Yaponiyaning Kioto tibbiyot universiteti mutaxassislarining “Klinik yuqumli kasalliklar” (Clinical Infectious Diseases) jurnalida e’lon qilgan tadqiqotida koronavirus odam terisida 9 soatga yaqin yuqumliligini saqlab qolishi ma’lum qilindi. Ushbu ko‘rsatkich gripp virusining saqlanishidan besh baravar ko‘p, deb yozadi “RBK”.
Qayd qilinishicha, tajriba davomida odam terisiga gripp va COVID-19 virusining 100 ming namunasi qo‘yib kuzatilgan. Natijada gripp virusi 1-2 soatdan keyin kuchsizlangani, koronavirus esa 9 soat davomida saqlanib turgani aniqlangan. Shuningdek, teriga 80 foizli etanol eritmasi surtilganda virus 15 soniyada yo‘qolgan, deyiladi xabarda.
Avvalroq Avstraliyaning Kasalliklarga tayyorgarlik markazi olimlari koronavirusning xona haroratida banknotalar, sensorli ekran va telefon yuzasida 28 kungacha saqlanishi mumkinligini ma’lum qilib, nafaqat qo‘llarni, balki smartfonlarni ham dezinfeksiya qilish kerakligini ta’kidlagan.
Izoh (0)