O‘tkir bronxit pnevmoniyadan nimasi bilan farq qiladi?

O‘xshash alomatlar tufayli pnevmoniyani o‘tkir bronxit bilan adashtirish juda oson. Asosiy farqlardan biri – o‘tkir bronxit bilan kasallangan odam haftalar davomida yo‘taldan qutula olmaydi.

Bronxit nima?

O‘tkir bronxit – o‘pkaga olib boradigan nafas yo‘llarining yallig‘lanishi. U shamollash yoki gripp kabi virusli infeksiyaning asoratlari sifatida rivojlanishi mumkin.

Ba’zida bronxit patogen bo‘lmagan sabablarga ko‘ra o‘z-o‘zidan paydo bo‘ladi. U garchi organizmga shunday ta’sir o‘tkazsa-da, albatta, virusli infeksiya asosiy sabab bo‘lib qoladi. Aytgancha, bu bronxitni davolash uchun antibiotiklarning deyarli foydasizligini anglatadi.

Bronxit alomatlari:

• doimiy yo‘tal (balg‘amli yoki quruq);
• tomoq og‘rig‘i;
• ko‘krak qafasda og‘riq (yo‘tal payti kuchayadi);
• nafas yetishmovchiligi;
• xansirash, notekis nafas olish;
• titroq;
• tanada og‘riq.

Agar bemorga bronxit tashxisi qo‘yilgan bo‘lsa, shuningdek, ahvol og‘irlashsa, holat o‘zgarishsiz davom etsa, bunday vaziyatda infeksiya yuqish darajasi ortib boradi. U odatda ikkinchi darajali deb nomlanadi. Bunday holatda har qanday bemor o‘z-o‘zini davolashi xavfli, albatta, shifokor nazorati ostida bo‘lish tavsiya etiladi.

Bronxitni qanday davolash kerak?

O‘tkir bronxitga ko‘pincha virus sabab bo‘ladi, shuning uchun kamdan-kam hollarda antibiotik beriladi. Ular virusga qarshi samarasiz hisoblanib, maslahatsiz iste’mol qilish faqat dori-darmonlarga chidamli bakteriyalarni yetishtirshga yordam beradi.

Ba’zida esa bronxit bakteriyalar tufayli kelib chiqadi va bunday holda shifokorlar antibiotik buyurishi mumkin. Ko‘pincha, o‘tkir bronxitni davolashda tana o‘z-o‘zidan kurashadi va bu vaqt davomadi kasallik alomatlari yengillashib boradi.