2020-yil 10-oktabrda Pavel Durov 36 yoshga to‘ldi. Shu munosabat bilan Telegram asoschisi yoshlik hamda sog‘liqni asrash bo‘yicha o‘zining maslahatlari bilan bo‘lishishga qaror qildi.
Ishbilarmonning so‘zlariga ko‘ra, vaqti-vaqti bilan undan qanday qilib yosh ko‘rinishni saqlab qolganini so‘rashadi. Durov kamroq ovqatlanish, bezovta bo‘lmaslik hamda spirtli ichimliklardan voz kechishni tavsiya etadi.
Durovning qoidalari quyidagicha:
Spirtli ichimlikdan saqlaning
Kamdan-kam istisno holatlari bo‘lishi mumkin, ammo spirtli ichimliklar sog‘liqqa putur yetkazadi va yoshga nisbatan qariroq ko‘rinishga olib keladi.
Ko‘proq uxlang
Uyqu paytida tana qayta tiklanadi. Uyquni kechiktirish yoki keyinga qoldirish mumkin emas. Yoki ish kunlaridagi uyqusizlikni dam olish kunidagi uzoq vaqt uxlash bilan qoplash kerak emas.
Ovqatlanmang
Odamlarning ortiqcha vazni tufayli yoshi kattaroq ko‘rinadi. O‘nlab kasalliklar ham aynan vazn bilan bog‘liq. Men odatda kuniga ikki marta – soat oltida yoki bir marotaba ovqatlanaman. Kuniga uch marta yoki undan ko‘p ovqatlanish, shunchaki yomon odat.
Sport bilan shug‘ullaning
O‘rtacha, ammo muntazam olib borilgan mashqlar odamlarning sog‘lig‘ini va umrini uzaytiradi. Shaxsan men kardio – piyoda, velosipedda hamda ochiq havoda suzish bilan shug‘ullanaman. Lekin yengil vazn bilan mashq qilish juda maroqli.
Sressni kamaytiring
Ro‘y berayotgan hodisalarni yaxshilikka tomon borayotganiga ishontiruvchi aqliy odatlar mavjud. Shuningdek, salbiy va bo‘lib o‘tayotgan yoki davom etayotgan voqeaga befarqlik ham yaxshi samara beradi. Hayot o‘z-o‘zidan barcha qiyinchiliklarni osonlashtiradi.
Go‘sht yemang
Dengiz mahsulotlari, baliq va yovoyyi tabiatdan tutib olingan hayvonlar juda foydali. Biroq fermer xo‘jaligidan yetishtirilayotgan go‘shtdan yosh ko‘rinuvchi odamlarning aksariyat qochadi. Sababi bu go‘shtning zararli tomoni − semirtirish gormonlari va sun’iy ozuqa bilan chorva mollarini ko‘paytirish va sotishdir.
Yolg‘iz yashang
Ajablanarlisi shundaki, men suhbatlashgan barcha o‘rta yoshdagi erkaklarning hammasi umr bo‘yi yolg‘iz yashagan. Bu uxlash, ovqatlanish, xulq-atvor yuzasidan mustaqillikning natijasi bo‘lishi mumkin. Yoki bu shunchaki o‘zaro bog‘liqlik va nosog‘lom ijtimoiy me’yorlardan mustaqil bo‘lgan odamlardir.
Durov ushbu qoidaning ko‘pchiligini ilmiy izohlarda ham topish mumkin, deb xulosa qildi. Shuningdek, u agar ikki baravar yosh ko‘rinsangiz , demak, asosiy mahsulot – spirtli ichimlikni hech qachon ichmang, deya ta’kidlaydi.
“Spirtli ichimliklardan voz kechganingizdan so‘ng siz uchun nima yaxshi va yomonligini aytadigan sezgingizni eshita boshlaysiz. O‘zingiz uchun foydali bo‘lgan barcha narsani yolg‘iz o‘zingiz aniqlaysiz, boshqa birovlarning maslahatiga quloq tutib yurmaysiz”, − deb qo‘shimcha qildi Durov.
Izoh (0)