Tashqi ko‘rinish iste’doddan ustun emasligini isbotlay olgan aktrisalar (foto)

Quyidagi aktrisalarning bugungi kunda minglab muxlislari bor. Lekin ularning atrofdagilar tomonidan berilgan salbiy baho va ta’riflardan sinib qolmasdan o‘z o‘rnini topa olishlari oson bo‘lmagan.

Juliya Roberts

Juliya bolaligida tashqi ko‘rinishidan ko‘ngli to‘lmagan. Do‘stlari uning kamchiligi, og‘zining kattaligi, tabassumi ustidan kulgan. U e’tibor bermasliklari uchun hatto kamroq kulishga harakat qilgan. Ammo aynan mazkur tabassumi Gollivudda muvaffaqiyatli karyera qilishiga yordam bergan. Juliya bugungi kunga kelib o‘z ko‘rinishi va qiyofasidan uyalmaydi. U bora-bora odamlar uning tashqi ko‘rinishi haqida nima deb o‘ylashi muhim bo‘lmay qolgani, faqatgina yaqinlariga quloq sola boshlaganini bildiradi. “Men hafta davomida ko‘zguga qaramasligim mumkin. Yaqinlarimning nigohlari ko‘rinishim haqida ko‘proq so‘zlashi mumkin”, — deydi Roberts.

Sara Jessika Parker

Sara Gollivudda hech qachon go‘zal deb hisoblanmagan. Unga hatto mashhur rollaridan keyin ham eng xunuk aktrisalardan biri deya ta’rif berilgan. Saraning o‘zi bu kabi gap-so‘zlarga qarab turolmaydi va kimdir tashqi ko‘rinishini muhokama qilishni boshlasa, tashvishlanadi. U o‘zini hech qachon go‘zal deb hisoblamagan, ammo boshqa odamlar uning kamchiliklariga baho berishini odobdan emas deb biladi. Menga tegishli barcha narsa faqatgina menga taalluqli, boshqalarga emas, deydi aktrisa. Tashqi ko‘rinishidan ko‘ngli to‘lmasligiga qaramay, Sara kinosanoatda o‘z o‘rnini topgan mashhur aktrisa hisoblanadi.

Barbara Streyzand

Barbaraning qiyofasi ham hech qachon Gollivudning go‘zallik standartlariga to‘g‘ri kelmagan. Ammo aynan mana shu o‘ziga xos ko‘rinishi sabab taniqli bo‘lishga muvaffaq bo‘lgan. Streyzand afsonaga aylanishidan avval ancha qiyinchilikni bosib o‘tishiga to‘g‘ri kelgan. Yoshligida uning ustidan xunuk deb kulishgan va yoqimsiz qizning qachonlardir aktrisa bo‘lishiga ishonishmagan. Barbaraning o‘zi bo‘lsa har kuni go‘zal va kino yulduzi bo‘lishini orzu qilgan. Aktrisa niyatiga yetgani va plastik jarrohga murojaat qilganidan faxrlanadi. Go‘zal bo‘lib tug‘ilmasa, muvaffaqiyatga erishish, hech kimni sevmasa, hammaga yoqish, hech kimga e’tibor bermasa, hamma qoyil qolishi va ko‘chirishga urinishlari mumkin, deb hisoblaydi aktrisa.

Xilari Suenk

Kambag‘al oilada dunyoga kelgan Xilari vaqtida onasi bilan furgonda tunashiga to‘g‘ri kelgan. Barcha qiyinchiliklarga qaramasdan, u bir kuni Gollivudni zabt etishi va eng muvaffaqiyatli aktrisalardan biriga aylanishiga ishongan. Avvaliga rejissorlar uning ko‘rinishi kinematografiya uchun emasligini ta’kidlagan va epizodik rollarni ham zo‘rg‘a berishgan. Unga muvaffaqiyatga erishish va boshqalarga yoqish uchun ko‘rinishi va o‘zini tutishi boshqacha bo‘lishi kerakligini anglab yetish oson bo‘lmagan.

Tilda Suinton

Britaniyalik aktrisa taniqli bo‘lishiga u qadar chiroyli emasligi sabab, busiz kino olamiga kira olmagan bo‘lardim, deb hisoblaydi. U doim o‘zining go‘zal emasligini bilgan va buni afzallik deb hisoblagan. U chiroyli dugonalari hamisha sochlari ochligi, ko‘zlari ko‘k va lablari g‘uncha ekanini unutmasligi va o‘zlarini shunga yarasha tutishlari kerakligini aytib, bunday bosimdan mahrum ekanligidan minnatdorligini bildiradi. Aytishiga qaraganda, ayol kishi bunday ko‘rinishga ega bo‘lmaydi deb hisoblaganlari sabab uni ba’zida erkak kishi deb o‘ylaydiganlar ham yo‘q emas.