Bollivud yulduzi Amitabh Bachchanning karyerasi va aktyorlik mahorat haqida ko‘p yozilgan, lekin oilada va ota sifatida qanday inson ekanligi ko‘pchilikka ma’lum emas. 11-oktabr kuni 78 yoshni qarshilagan aktyorning oilada qanday inson ekani haqida Abhishek Bachchan so‘zlab bergan ma’lumotlar bilan bo‘lishamiz.
Abhishekning so‘zlariga qaraganda, Amitabh Bachchan hech qachon ishini uyga olib kelmagan, uyda aktyor emas, ota bo‘lgan. U faqat bir martagina, 1994-yilda “Insoniyat” filmining suratga olish maydonchasidan obrazda uyga qaytgan. Suratga olish ishlari ularning uyi yaqinida bo‘lgani uchun Amitabh tushlik qilish uchun uyga qahramonining politsiya xodimi libosida kelgan. Qolgan vaqtlarda uy va ishni aralashtirmagan, ishi og‘ir kechgan taqdirda ham suratga olish maydonchasidagi kayfiyat bilan oilasi yoniga kelmagan.
Abhishekning qo‘shimcha qilinishicha, ularning uyida kinojurnallar bo‘lmagan. Amitabh Abhishekning bolaligi va yoshligida mish-mish tarqatgan matbuot, ayniqsa, jurnallar bilan tortishgan. U ko‘ngilochar maqolalar uchun mavzu bo‘lishni istamagan OAV esa unga katta B (Big B) deb murojaat qilgan. Bugungi kunda xushmuomalalikni ifodalaydigan katta B’ning ma’nosi u vaqtda salbiy bo‘lgan.
Kichik Bachchan ular kinosanoat vakillari farzandlariga xos tarzda katta bo‘lmaganlari, uyda Filmfare singari jurnal va yetakchi gazetalar bo‘lmaganini hatto ko‘p yillar davomida kinosanoatda jurnal borligini bilmay ulg‘ayganini ta’kidlagan.
Biz oddiy hayot kechirganmiz. Odamlar buni tushunishi biroz qiyin bo‘lishi mumkin, ammo rostan ham shunday bo‘lgan. Ko‘pchilik mendan Amitabh va Jayaning farzandi bo‘lish qanday, deb so‘raydi. Nima deb javob berishim mumkin? Ular mening ota-onam va menga oddiy tarbiya berishgan. Onam men va singlimni kino uslubida tarbiyalanishimizga izn bermagan.O‘g‘li otasining ishini shunchalik oddiy hisoblaganidan hamma do‘stining otalari ham shunday hayot kechiradi deb o‘ylagan. “O‘zingizni mening o‘rnimga qo‘yib ko‘ring. Bolaligimda ko‘chadagi har bir uyda 500 talab kishi turadi, maktabdagi do‘stlarimning otasi 30-40 talab kishini kaltaklab, shifoxonaga tushishiga sababchi bo‘ladi, baland binolardan sakraydi deb o‘ylardim. Bu men uchun odatiy hol bo‘lgan”.
Shuningdek u Amitabh Bachchanning o‘g‘li bo‘lishning afzalliklarini sanab bergan:
Menga uning suratga olish maydonchasiga borish va kun davomida birga vaqt o‘tkazish yoqardi. U ham meni o‘zi bilan olib ketishni yoqtirgan. Aktyorlik kasbi bilan shug‘ullanishni istaganlar uchun bu ajoyib bolalik.Abhishek, Prakash Mehra, Yash Chopra va Manmoxan Desayni ko‘rib katta bo‘lgani va bu hammaga ham nasib qilavermasligini bildirgan. Abhishek xorijda o‘qishga ketganida hammasi o‘z joyiga tushgan. U yerda sening ota-onang kim yoki kimning farzandi ekanligining ahamiyati yo‘q. Otasi basketbol o‘yinlarini kuzatish uchun kelib, boshqa oddiy odamlardek o‘tirib farzandini kuzatgan va maroq olgan.
Ma’lum bo‘lishicha, Amitabh Bachchan yolg‘iz vaqt o‘tkazishni yaxshi ko‘radi va uyatchan inson. Shunchaki kasbi yuzasidan nima uchundir uni hamma unday emas, deb tasavvur qiladi. U “Kim millioner bo‘lishni istaydi?” shousining suratga olish jarayonidan keyin uyga qaytib, jim o‘tirgan holda oilasi bilan sport kanalini birgalikda tomosha qilishni yaxshi ko‘radi.
“Otamga bu jihati bilan o‘xshab ketadigan yana bir inson Shohrux Xon. Men uni yorqin jamoat arbobi deb bilaman, lekin uning uyda bir burchakda o‘tirib kitob o‘qishini ko‘rish mumkin. U juda ham uyatchan va bosiq. Men dam olishi uchun yolg‘iz qolishi kerak bo‘lgan ko‘plab aktyorlarni bilaman”, — deydi aktyor.
Izoh (0)