Ташқи кўриниш истеъдоддан устун эмаслигини исботлай олган актрисалар (фото)

Қуйидаги актрисаларнинг бугунги кунда минглаб мухлислари бор. Лекин уларнинг атрофдагилар томонидан берилган салбий баҳо ва таърифлардан синиб қолмасдан ўз ўрнини топа олишлари осон бўлмаган.

Жулия Робертс

Жулия болалигида ташқи кўринишидан кўнгли тўлмаган. Дўстлари унинг камчилиги, оғзининг катталиги, табассуми устидан кулган. У эътибор бермасликлари учун ҳатто камроқ кулишга ҳаракат қилган. Аммо айнан мазкур табассуми Голливудда муваффақиятли карьера қилишига ёрдам берган. Жулия бугунги кунга келиб ўз кўриниши ва қиёфасидан уялмайди. У бора-бора одамлар унинг ташқи кўриниши ҳақида нима деб ўйлаши муҳим бўлмай қолгани, фақатгина яқинларига қулоқ сола бошлаганини билдиради. «Мен ҳафта давомида кўзгуга қарамаслигим мумкин. Яқинларимнинг нигоҳлари кўринишим ҳақида кўпроқ сўзлаши мумкин», — дейди Робертс.

Сара Жессика Паркер

Сара Голливудда ҳеч қачон гўзал деб ҳисобланмаган. Унга ҳатто машҳур ролларидан кейин ҳам энг хунук актрисалардан бири дея таъриф берилган. Саранинг ўзи бу каби гап-сўзларга қараб туролмайди ва кимдир ташқи кўринишини муҳокама қилишни бошласа, ташвишланади. У ўзини ҳеч қачон гўзал деб ҳисобламаган, аммо бошқа одамлар унинг камчиликларига баҳо беришини одобдан эмас деб билади. Менга тегишли барча нарса фақатгина менга тааллуқли, бошқаларга эмас, дейди актриса. Ташқи кўринишидан кўнгли тўлмаслигига қарамай, Сара киносаноатда ўз ўрнини топган машҳур актриса ҳисобланади.

Барбара Стрейзанд

Барбаранинг қиёфаси ҳам ҳеч қачон Голливуднинг гўзаллик стандартларига тўғри келмаган. Аммо айнан мана шу ўзига хос кўриниши сабаб таниқли бўлишга муваффақ бўлган. Стрейзанд афсонага айланишидан аввал анча қийинчиликни босиб ўтишига тўғри келган. Ёшлигида унинг устидан хунук деб кулишган ва ёқимсиз қизнинг қачонлардир актриса бўлишига ишонишмаган. Барбаранинг ўзи бўлса ҳар куни гўзал ва кино юлдузи бўлишини орзу қилган. Актриса ниятига етгани ва пластик жарроҳга мурожаат қилганидан фахрланади. Гўзал бўлиб туғилмаса, муваффақиятга эришиш, ҳеч кимни севмаса, ҳаммага ёқиш, ҳеч кимга эътибор бермаса, ҳамма қойил қолиши ва кўчиришга уринишлари мумкин, деб ҳисоблайди актриса.

Хилари Суэнк

Камбағал оилада дунёга келган Хилари вақтида онаси билан фургонда тунашига тўғри келган. Барча қийинчиликларга қарамасдан, у бир куни Голливудни забт этиши ва энг муваффақиятли актрисалардан бирига айланишига ишонган. Аввалига режиссёрлар унинг кўриниши кинематография учун эмаслигини таъкидлаган ва эпизодик ролларни ҳам зўрға беришган. Унга муваффақиятга эришиш ва бошқаларга ёқиш учун кўриниши ва ўзини тутиши бошқача бўлиши кераклигини англаб етиш осон бўлмаган.

Тильда Суинтон

Британиялик актриса таниқли бўлишига у қадар чиройли эмаслиги сабаб, бусиз кино оламига кира олмаган бўлардим, деб ҳисоблайди. У доим ўзининг гўзал эмаслигини билган ва буни афзаллик деб ҳисоблаган. У чиройли дугоналари ҳамиша сочлари очлиги, кўзлари кўк ва лаблари ғунча эканини унутмаслиги ва ўзларини шунга яраша тутишлари кераклигини айтиб, бундай босимдан маҳрум эканлигидан миннатдорлигини билдиради. Айтишига қараганда, аёл киши бундай кўринишга эга бўлмайди деб ҳисоблаганлари сабаб уни баъзида эркак киши деб ўйлайдиганлар ҳам йўқ эмас.