«Ливерпуль» дарвозабони Алиссон Беккер жароҳат олди.
Алиссон машғулотлар вақтида жамоадоши билан тўқнашувдан кейин елкасидан жароҳат олган. Қолган тафсилотлар номаълум.
The Athletic нашрининг хабар қилишича, бразилиялик футболчининг тикланишига 4—6 ҳафтагача вақт кетади. The Independent версиясига кўра, жароҳатни тиклаш жараёни 6 ҳафтадан ошиқ вақтни олади.
Буюк Британия ОАВнинг хабар қилишича, «Ливерпуль» янги дарвозабон қидириш ишларини бошлаб юборган. Сабаби жамоанинг иккинчи дарвозабони Адрианнинг ишончсиз ўйини Юрген Клоппга ёқмаяпти.
Эслатиб ўтамиз, «Ливерпуль» янги дарвозабонни 5 октябрь кунининг якунига қадар рўйхатдан ўтказиши лозим. Сабаби Англияда трансферлар ойнаси айнан шу куни ёпилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)