Rossiyada 4-oktabrda koronavirusga chalinish bo‘yicha 10 499 ta holat qayd etildi, deb xabar bermoqda Meduza koronavirus infeksiyasiga qarshi kurash bo‘yicha tezkor shtabga tayanib. Bir kun avval 9859 kishi kasallangani xabar berilgan edi. Mamlakatda COVID-19 tarqalishni boshlaganidan buyon 1 215 001 kishi kasallangan.
Xabarda aytilishicha, kunlik kasallanish soni 10 ming kishidan ortiq bo‘lgan holat oxirgi marta 15-may kuni qayd etilgan.
So‘nggi sutkada eng ko‘p bemor Moskva shahrida qayd etilgan — 3327 kishi. Ikkinchi o‘rinda Sankt-Peterburg bo‘lib, 392 kishida COVID-19 aniqlangan.
Shuningdek, sutka davomida koronavirus tasdiqlangan bemorlarning 107 nafari vafot etgan. Umumiy hisobda esa pandemiya boshlanganidan buyon Rossiyada yangi koronavirus infeksiyasi bilan kasallangan 21 358 kishi vafot etgan.
So‘nggi sutkada koronavirusdan tuzalgan 3284 kishi kasalxonadan chiqarilgan. Umumiy hisobda mamlakatda 979 143 kishi COVID-19’dan sog‘aygan.
“Rospotrebnadzor” ma’lumotlariga ko‘ra, mamlakatda koronavirusni aniqlash bo‘yicha so‘nggi sutkada 436 mingta, umumiy hisobda esa 47,6 millionta laboratoriya tekshiruvlari o‘tkazilgan.
Mavzuga doir:
Izoh (0)