Ozarbayjon prezidenti Ilhom Aliyev mamlakat harbiylarining Jabroil (Mexakavan) shahri va Tog‘li Qorabog‘dagi bir nechta qishloqni o‘z nazoratiga olganini e’lon qildi.
Armaniston mudofaa vazirligi Aliyevning ushbu bayonoti dezinformatsiya va haqiqatdan yiroqligini bildirgan, deb yozmoqda “TASS”.
Avvalroq Ozarbayjon hukumati Tog‘li Qorabog‘ shimoliy qismidagi Madagiz qishlog‘ining mamlakat qo‘shini ixtiyoriga o‘tganini e’lon qilgandi. Armaniston ushbu ma’lumot ham haqiqatdan yiroqligini bildirgandi.
Jabroil (Mexakavan) shahri 1993-yildan buyon mustaqilligi tan olinmagan Tog‘li Qorabog‘ respublikasining hududi hisoblanadi. 1991-yilgi ma’lumotlarga ko‘ra, Jabroil shahrida 6,3 ming nafar aholi yashagan.
Tog‘li Qorabog‘ atrofidagi nizo 1990-yillar boshidan beri davom etib keladi va 2020-yilning sentabr oyida yanada murakkablashgan. Ikki tomon vakillari bir-birlarini asossiz kuch ishlatish va provokatsiyada ayblamoqda.
Izoh (0)