Bugun,

  • USD 11095.31
  • RUB 173.84
  • EUR 10772.44

Rossiyada katta ehtimol bilan ikki yoki uch haftadan keyin koronavirus bilan kasallanish yana yangi cho‘qqiga chiqadi. “RBK”ning xabar berishicha, bu haqda Iqtisodiy tadqiqotlar markazining statistika va modellashtirish bo‘yicha mutaxassisi Agasi Tavadyan ma’lum qildi.

Foto: “Moskva” AA

Foto: “Moskva” AA

“Bizning modelimiz uchta ehtimoliy ssenariyni aniqladi. Eng yaxshi holatda kasallanish va o‘lim darajasi bir haftada pasayishni boshlaydi”, — deb qo‘shimcha qilgan u. Uchinchi eng yomon variantga ko‘ra, pandemiya cho‘qqisi noyabr oyi boshlariga to‘g‘ri keladi.

Rossiyada so‘nggi ikki haftadan buyon COVID-19 bilan kasallanishning kunlik ko‘rsatkichi yuqori bo‘lmoqda. Kuni kecha, iyun oyidan buyon ilk bor mamlakatda kunlik kasallanishlar soni 8 ming kishidan ortiq bo‘ldi. Bunda hududlar bo‘yicha eng ko‘p bemorlar qayd etilayotgan Moskvaning o‘zida sutka davomida 2217 ta holat aniqlangan bo‘lib, so‘nggi to‘rt oydagi qariyb rekord ko‘rsatkich.

So‘nggi ma’lumotlarga ko‘ra, Rossiyada 1 159 573 kishi koronavirusga chalingan.

Sog‘liqni saqlash vazirining yordamchisi Aleksey Kuznetsovning aytishicha, COVID-19 bilan kasallangan bemorlar uchun mo‘ljallangan koyka fondi 89 foizga to‘lgan. Uning aytishicha, hozirda pandemiyaning o‘tgan yilgi avj olishida tashkil etilgan koykalarning hammasidan ham foydalanilmayapti. Joylarning bir qismi oddiy bemorlar uchun berilgan, zarur bo‘lganda yana qaytarib olinishi mumkin.

“Rospotrebnadzor” rahbari Anna Popova Rossiyada kasallanishning ortishini yilning sovuq mavsumi boshlangani bilan bog‘lagan. Shuningdek, bunga ta’sir qiluvchi omillar qatoriga fuqarolarning ta’tildan va ishga qaytganligini kiritgan.

Avvalroq Popova xalq orasida xavfsizlik choralariga e’tibor bermaslik, epidemiologik vaziyatning yomonlashuvining sabablaridan biri deb atagan. “Odamlar talablarga rioya qilmayapti”, — degan “Rospotrebnadzor” rahbari.

Avvalroq Rossiyada COVID-19 bilan kasallanish “plato” bosqichiga chiqishi prognoz qilingandi.

Izoh
Asosiy yangiliklar
Dunyo
Turkiya Finlyandiya va Shvetsiyaning NATOga kirish haqidagi arizalarni alohida-alohida ko‘rib chiqishi mumkin
Mahalliy
Shavkat Mirziyoyev Islom Karimov haykali poyiga gul qo‘ydi
Mahalliy
O‘zbekistonda dollar kursi pastladi