Futbol bo‘yicha Osiyo Chempionlar Ligasining yarim finalida “An-Nassr” va “Persepolis” jamoalari 3-oktabr, shanba kuni o‘zaro bahs yuritdi.
Uchrashuvning 37-daqiqasida saudiyaliklar ishlab olgan penaltini Abdulrazzoq Hamdulloh golga aylantirib, jamoasini oldinga olib chiqdi. Birinchi bo‘lim yakunlanishi arafasida Mehdi Abdi Qara hisobni tenglashtirishga erishdi.
Ikkinchi bo‘limda hisob o‘zgarmadi va qo‘shimcha bo‘limlarga murojaat qilindi. 104-daqiqada forslar futbolchisi Ehson Pahlavon ikkinchi sariq kartochkasini olib maydonni tark etdi. Yakunda g‘olib nomi penaltilar seriyasida aniqlanadigan bo‘ldi. Unda omad Eron chempioniga kulib boqdi.
Shu tariqa “Persepolis” OChL 2020-yilgi mavsumining ilk finalchisiga aylandi.
Ta’kidlash joiz, “Persepolis” chorak finalda “Paxtakor”ni taslim etib, yarim final yo‘llanmasiga ega bo‘lgandi.
O‘yindan avval eronliklar klubi to‘purari Isa Alkasir “Paxtakor”ga qarshi o‘yindagi nomaqbul harakati uchun 6 oyga futbolga oid har qanday faoliyatdan chetlashtirilgani ma’lum bo‘lgandi.
OChL
Yarim final bahsi
3-oktabr, shanba
“An-Nassr” Saudiya Arabistoni — “Persepolis” Eron 1:1
Penaltilar seriyasi: 3:5Gollar: 1:0 – 37, penalti Abdulrazzoq Hamdulloh, 1:1 – 42 Mehdi Abdi Qara.
Ogohlantirishlar: Halilzoda (37), As-Sulayhim (49), Madu (78), Pahvalon (84), Amiri (90).
Chetlatish: Pahlavon (104) — “Persepolis”.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)