Futbol bo‘yicha Osiyo Chempionlar Ligasining chorak finalida “Paxtakor” 30-sentabr, chorshanba kuni “Persepolis”ga qarshi bahs olib bordi.
Foto: OFK
Uchrashuv teng kurashlar ostida boshlandi, biroq 17-daqiqada “Paxtakor” futbolchilari kamchilik bo‘lib qoldi: Jaloliddin Masharipov raqib futbolchisiga nisbatan qo‘pollik ishlatdi, hakam videotakrorlardan keyin qizil kartochka ko‘rsatdi.
Shundan keyin tashabbus forslar tomoniga o‘tdi, biroq tanaffusga qadar “sherlar” raqibga qarshi tengma teng kurash olib bordi. Ikkinchi bo‘lim “Persepolis”ning ustunligida boshlandi.
49-daqiqada Isa Alkasir nominal mezbonlarni hisobda oldinga olib chiqdi. 66-daqiqada Eron klubi to‘purari dublni rasmiylashtirdi.
Shu tariqa “Persepolis” Chempionlar Ligasi yarim finaliga yo‘l oldi va u yerda “An-Nassr”ga qarshi bahs olib boradi.
OChL
Chorak final bahsi
30-sentabr, chorshanba
“Persepolis” Eron — “Paxtakor” O‘zbekiston 2:0
Gollar: 1:0 – 49 Alkasir, 2:0 – 66 Alkasir.
“Persepolis”: Hamed Lak, Shojaye Xalilzoda, Bashar Resan (Omid Alishah, 67), Hussayin Kanani, Ahmad Nurullohi (Milad Sarlak, 76), Kamaleddin Kamyabinia, Ehson Pahlavon (Mehdi Shiri, 76), Vohid Amiri, Isa Alkasir (Mehdi Abdi, 88), Said Og‘ayi, Siamak Ne’mati.
“Paxtakor”: Eldor Suyunov, Hojiakbar Alijonov (Abror Ismoilov, 90+2), Anzur Ismoilov, Jaloliddin Masharipov, Dragan Cheran, Yegor Krimets (Sherzod Azamov, 90+2), Dostonbek Hamdamov (Hojimat Erkinov, 73), Odil Hamrobekov, Sardor Sobirxo‘jayev, Farruh Sayfiyev (Akrom Komilov, 73), Eren Derdiyok (Igor Sergeyev, 73).
Chetlatish: Masharipov (17).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
