Futbol bo‘yicha Angliya Premyer Ligasining 4-turida “Manchester Siti” 3-oktabr, shanba kuni “Lids” maydoniga safar qildi.
“Shaharliklar” 17-daqiqada Rahim Sterlingning golidan keyin hisobda oldiga o‘tib oldi. 59-daqiqada zaxiradan maydonga tushganiga ko‘p bo‘lmagan Rodrigo Moreno muvozanatni tiklashga muvaffaq bo‘ldi.
Shundan keyin har ikki jamoa vakillarida bir qator qulay imkoniyatlar yuzaga keldi. Biroq uchrashuv yakuniga qadar hisob boshqa o‘zgarmadi.
Shu tariqa ketma-ket ikki turda ochko yo‘qotgan “Manchester Siti” uchta o‘yinda 4 ochko to‘plagan holda 10-o‘rinda bormoqda. “Lids” (7) esa 5-pog‘onadan joy olgan.
APL
4-tur bahsi
3-oktabr, shanba
“Lids” — “Manchester Siti” 1:1
Gollar: 0:1 – 17 Sterling, 1:1 – 59 Rodrigo.“Lids”: Mele, Kuper, Eyling, Kox, Dallas, Klix (Devis, 77), Fillips, Elder Koshta, Alioski (Poveda, 46), Roberts (Rodrigo, 56), Bemford.
“Manchester Siti”: Ederson, Ruben Diash, Mendi (Ake, 71), Lyaport, Uoker, Mahrez (Fernandinyo, 77), Foden, Ferran Torres (Bernardu Silva, 65), Rodri, Sterling, de Bryuyne.
Ogohlantirishlar: Bemford (12), Mendi (36), Dallas (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)