Futbol bo‘yicha Angliya Premyer Ligasining 4-turida “Everton” 3-oktabr, shanba kuni “Brayton”ni qabul qildi.
Uchrashuvning 16-daqiqasida Dominik Kelvert-Lyuin o‘yindagi hisobni ochdi. Bunga mehmonlar birinchi bo‘limda Nil Mopening kiritgan to‘pi bilan javob qaytardi. Tanaffus arafasida Yerri Mina Hames Rodrigesning uzatmasini golga aylantirdi.
Ikkinchi bo‘limda darvozalar yana uch bor ishg‘ol etildi. Mersisaydliklar safida Xames dublni rasmiylashtirgan bo‘lsa, o‘yin so‘ngida Iv Bissuma “Brayton”ning ikkinchi golini urdi.
Shu tariqa Karlo Anchelotti shogirdlari 2020/21-yilgi mavsumdagi g‘alabali seriyani davom ettirgan holda musobaqa jadvalida karvonboshiga aylandi.
APL
4-tur bahsi
3-oktabr, shanba
“Everton” — “Brayton” 4:2
Gollar: 1:0 – 16 Kelvert-Lyuin, 1:1 – 41 Mope, 2:1 – 45+2 Mina, 3:1 – 52 Xames, 4:1 – 70 Xames, 4:2 – 90+2 Bissuma.“Everton”: Pikford, Din, Koulmen (Delf, 58), Mina, Kin, Dukure, Sigurdsson, Devis, Xames (Uolkott, 78), Risharlison (Ivobi, 25), Kelvert-Lyuin.
“Brayton”: Rayan, Uayt, Dank, Uebster, Lempti (Veltman, 46), Bissuma, March, Alsate (Gross, 82), Trossard, Mope, Konnolli (Lallana, 66).
Ogohlantirish: Alsate (4).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)