Футбол бўйича Осиё Чемпионлар Лигасининг ярим финалида «Ан-Насср» ва «Персеполис» жамоалари 3 октябрь, шанба куни ўзаро баҳс юритди.
Учрашувнинг 37-дақиқасида саудияликлар ишлаб олган пенальтини Абдулраззоқ Ҳамдуллоҳ голга айлантириб, жамоасини олдинга олиб чиқди. Биринчи бўлим якунланиши арафасида Меҳди Абди Қара ҳисобни тенглаштиришга эришди.
Иккинчи бўлимда ҳисоб ўзгармади ва қўшимча бўлимларга мурожаат қилинди. 104-дақиқада форслар футболчиси Эҳсон Паҳлавон иккинчи сариқ карточкасини олиб майдонни тарк этди. Якунда ғолиб номи пенальтилар сериясида аниқланадиган бўлди. Унда омад Эрон чемпионига кулиб боқди.
Шу тариқа «Персеполис» ОЧЛ 2020 йилги мавсумининг илк финалчисига айланди.
Таъкидлаш жоиз, «Персеполис» чорак финалда «Пахтакор»ни таслим этиб, ярим финал йўлланмасига эга бўлганди.
Ўйиндан аввал эронликлар клуби тўпурари Иса Алкасир «Пахтакор»га қарши ўйиндаги номақбул ҳаракати учун 6 ойга футболга оид ҳар қандай фаолиятдан четлаштирилгани маълум бўлганди.
ОЧЛ
Ярим финал баҳси
3 октябрь, шанба
«Ан-Насср» Саудия Арабистони — «Персеполис» Эрон 1:1
Пенальтилар серияси: 3:5Голлар: 1:0 – 37, пенальти Абдулраззоқ Ҳамдуллоҳ, 1:1 – 42 Меҳди Абди Қара.
Огоҳлантиришлар: Ҳалилзода (37), Ас-Сулайҳим (49), Маду (78), Паҳвалон (84), Амири (90).
Четлатиш: Паҳлавон (104) — «Персеполис».
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)