Futbol bo‘yicha Osiyo Chempionlar Ligasining chorak finalida Saudiya Arabistonining “An-Nassr” va “Al-Ahli” jamoalari 30-sentabr kuni o‘zaro bahs yuritdi.
Uchrashuvning 14-daqiqasida Gonsalo Martines “An-Nassr”ni oldinga olib chiqdi. Ikkinchi bo‘lim debyutida Abdulfattoh Asiri Ar-Riyod shahri jamoasining ikkinchi golini urdi.
Mazkur gollar “An-Nassr”ga g‘alaba keltirdi va jamoa musobaqa yarim finaliga yo‘l oldi.
G‘arb mintaqasidagi chorak finallarning yana birida “Paxtakor” jamoasi “Persepolis”ga qarshi bahs olib boradi. O‘yin 30-sentabr kuni 22:45 da boshlanadi.
Osiyo Chempionlar Ligasi
Chorak final bahsi
30-sentabr, chorshanba
“An-Nassr” Saudiya Arabistoni — “Al-Ahli” Saudiya Arabistoni 2:0
Gollar: 1:0 – 14 Martines, 2:0 – 55 Asiri.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)