“Manchester Siti” matbuot xizmati “Benfika”dan 68 million yevroga sotib olingan 23 yoshli himoyachi Ruben Diashni tanishtirayotib, kulgili xatoga yo‘l qo‘ydi, deya xabar beradi Goal.
Ta’kidlanishicha, jamoaning yangi a’zosi Ruben Diashga bag‘ishlangan maqolada “Manchester Siti” o‘z muxlislaridan Kalidu Kulibaliga savollar berishni iltimos qilgan. “Kalidu Kulibaliga savollar”dan tashqari, senegallik himoyachining “Napoli”dagi futbolkasini sotib olish ham taklif qilindi. Biroq ijtimoiy tarmoq foydalanuvchilarining bir qancha e’tirozlaridan so‘ng ikkala xato ham tezda tuzatildi.
Qayd etish joiz, “shaharliklar” uzoq vaqtdan beri “Napoli” himoyachisi Kalidu Kulibali transferida ishlayotgandi. Biroq italyan klubi futbolchisini 75–80 million yevrodan kamiga qo‘yib yuborishni xohlamadi. Shu boisdan “Benfika”dan Ruben Diash xarid qilindi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)