“Barselona” hujumchisi Usmon Dembele yozgi transferlar oynasi yopilgunga qadar jamaosini tark etishi mumkin.
AS nashrining xabar qilishicha, fransiyalik futbolchi “Manchester Yunayted”ga o‘tishga yaqin turibdi. “Barselona” Usmonni 50-60 million yevro evaziga qo‘yib yuborishga tayyor.
Transferdan tushgan mablag‘ni “Barselona” “Lion” hujumchisi Memfis Depayni sotib olishga sarflaydi.
Italiyalik jurnalist Fabritsio Romanoning xabariga ko‘ra, “Manchester Yunayted” Dembeleni ijaraga olish haqida o‘ylamoqda.
23 yoshli futbolchi 2017-yilda Dortmundning “Borussiya”sidan 130 million yevro evaziga “Barselona”ga o‘tgandi.
Kataloniyada Dembele jarohatlar qurshovida qolib ketdi — so‘nggi uch yil ichida u yettita mushak jarohatini boshdan kechirdi. Shuningdek, futbolchi bir necha marta klub mashg‘ulotlariga kechikib keldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)