“Muhtasham yuz yil” seriali tomoshabinlarni shunchalar qiziqtirib qo‘ydiki, ular nafaqat ekrandagi obrazlar, balki ularni qoyilmaqom tarzda ijro etgan aktyorlarning shaxsiy hayoti haqida ham bilishni istaydi. Marhamat, serial yulduzlari bo‘sh vaqtini qanday o‘tkazishi va xobbilari haqida qiziqarli ma’lumotlar bilan tanishing.
Xalit Ergench
Serialning Sulton Sulaymoni hayotini oilasi va ijodiga bag‘ishlagan aktyorlardan. Uning xobbisi – qo‘shiq kuylash.
Shuningdek, Xalit yoshligida raqsga tushish va vokal bilan shug‘ullangan. Bundan tashqari, konservatoriyada opera bo‘limida tahsil olgan. Uning musiqaga muhabbati bejizga emas, sababi otasi taniqli shoir va bastakor bo‘lgan. Ergenchning qulog‘i musiqa ohangini juda yaxshi tahlil etadi va o‘zi ham yoqimli ovoz tembrga ega. Aktyorning konsert dasturlari va musiqa festivallaridagi ishtirokini ham ko‘rish mumkin. U garchi kuylashni filmlarda suratga tushishdek ko‘p takrorlamasa ham, xobbisidan katta zavq oladi.
Selma Ergech
Serialning yana bir go‘zal qahramoni Xadicha Sulton – bo‘sh vaqtlarida jang san’ati, kikboksing va koreys jang san’ati – taekvondo bilan shug‘ullanishni yoqtiradi. Albatta, bunday nozik ayolga qarab uning sevimli mashg‘ulotini tasavvur qilish qiyin. Selmaning xobbisi, hattoki uning oilasi va do‘stlariga ham ajoyib syurpriz bo‘lgan.
Pelin Karaxan
Serialda Xurram va Sulaymon Sultonning qizi rolida gavdalangan aktrisa shirinlik pishirishni yaxshi ko‘radi. Yoshligida novvoy bo‘lib ishlagan aktrisaga bu kasb juda yoqadi. Karaxanning oila a’zolari u pishirgan shirinlik va nonlarni sevib iste’mol qiladi. Aktrisa, tabiiyki, bundan faxrlanadi. Shuningdek, uning orzusi − o‘zining shinamgina qandolatxonasini ochish va xaridorlarni mazali yegulik hamda shirinliklar bilan siylashdir.
Burak O‘zchivit
Burak retro mashinalarga qiziqadi. Uning hattoki katta bo‘lmagan kolleksiyasi ham mavjud. Agar avtomobillar buzilib qolsa, aktyor uni o‘zi ta’mirlaydi.
Selim Bayrakter
Aktyor mashhurlikka erishishidan avval sirk masxarabozi sifatida faoliyat yuritgan. Ehtimol, uning serialdagi qahramoni – Sumbul og‘a juda g‘alati ko‘ringan bo‘lishi mumkin. Ammo Selim ajoyib jonglyor.
Filiz Ahmet
Serialning yana bir qahramoni Filiz sayohat qilishni xush ko‘radi. Ammo bu uning sevimli mashg‘uloti emas. Aktrisa poliglot – 6 ta tilda so‘zlasha oladi. Hozirda bular safiga bolgar tili ham qo‘shilmoqda.
Nur Fettaho‘g‘li
Nur bolaligida modelyer bo‘lishni orzu qilgan. U chindan ham liboslar ustida ishlashni yoqtiradi. Ammo aktrisa ish faoliyatini boshlovchilikdan boshladi, keyin esa aktrisa sifatida ijod qilishga o‘tdi. Nur agar kinodagi faoliyatini tugatsa, qo‘liga yana igna-ip olishini ta’kidlagan.
Izoh (0)