Turkiyalik taniqli aktrisalar Instagram ijtimoiy tarmog‘idan, asosan, muxlislari bilan muloqot qilish uchun foydalanadi. Ularning shaxsiy sahifasida reklamalar deyarli e’lon qilinmaydi. Quyida qaysi turk aktrisalari eng ko‘p folloverlarga egaligi haqida so‘z yuritamiz.
1-o‘rin Xande Erchel (14,3 million folloveri bor)
Ko‘pchilik Xandeni unchalik mahoratli aktrisa deb hisoblamaydi. U ishtirokidagi bir necha loyihalar reytingda past ko‘rsatkichni qayd etgani uchun to‘xtatilgan. Shunga qaramay, uni Instagram’da 14 milliondan ko‘proq kishi kuzatadi.
2-o‘rin— Fahriye Evjen (10,9 million nafar folloveri bor)
Burak O‘zchivitning rafiqasi Fahriye “Choliqushi”, “Kurt Seit va Aleksandra”, “O‘limga qadar” kabi seriallar, shuningdek, “Ishq senga o‘xshar”, “Uyim sensan” kabi filmlarda suratga tushgan. Aktrisa hozirda o‘g‘li Karanning tarbiyasi bilan band.
3-o‘rin — Demet O‘zdemir (10,4 million folloveri bor)
Turkiyaning eng muvaffaqiyatli yosh aktrisalaridan biri Demet O‘zdemir “Qulupnay hidi”, “Tong qushi”, “309-raqam” kabi seriallarda suratga tushgan.
4-o‘rin— Neslihan Atagul Dog‘ulu (10,2 million folloveri bor)
Neslihan o‘zbek tomoshabinlariga “Ishq sohillari”, “Sevgi iztirobi”, “Elchining qizi” kabi teleseriallardagi betakror rollari bilan yaxshi tanish.
5-o‘rin Elchin Sangu (7,2 million folloveri bor)
Elchin “Ijaraga olingan sevgi” serialida suratga tushgach, mashhur bo‘lib ketdi. Shuningdek, “To‘qnashuv” serialida Elchin Kivanch Tatlitug‘ bilan birga suratga tushgan.
6-o‘rin — Maryam Uzerli (6,2 million folloveri bor)
Maryam o‘zbek tomoshabinlariga “Muhtasham yuz yil” tarixiy serialidagi Xurram Sulton obrazi bilan yaxshi tanish. Ushbu serial aktrisaga olamshumul mashhurlikni olib keldi. Shuningdek, u suratga tushgan “Tun qirolichasi” seriali ham muvaffaqiyat qozongan.
7-o‘rin Xazal Kaya (6,1 million folloveri bor)
Xazal “Taqiqlangan sevgi”, “Men uni Ferixa deb atadim” kabi seriallarda suratga tushgan. 2019-yilning fevralida Xazal turkiyalik kinoprodyuser va aktyor Ali Atayaga turmushga chiqdi. 2019-yilning noyabrida juftlik o‘g‘il farzandli bo‘ldi.
8-o‘rin — Burju O‘zberk (4,9 million folloveri bor)
Burju “Muhtasham yuz yil” serialida Ibragim va Xadichaning qizi — Xurijahon Sulton obrazini yaratganidan so‘ng mashhurlikka erishdi. Shundan so‘ng u “Quyosh qizlari”, “Ajoyib kuyov” kabi seriallarda ham suratga tushdi.
9-o‘rin — Beren Saat (4,7 million folloveri bor)
“Sevgi va nafrat”, “Taqiqlangan sevgi”, “Fatmagulning aybi nima?”, “Ko‘sem imperiyasi”, “Qasos”, “Iste’dod” kabi teleseriallar yulduzi Berenning sahifasini salkam besh million kishi kuzatadi.
10-o‘rin — O‘zge Gurel (4,3 million folloveri bor)
O‘zge Gurel “Olcha mavsumi” va “To‘lin oy” kabi seriallarda suratga tushgan. Hozirda u taniqli aktyor Jan Yaman bilan “Janob xato” serialida suratga tushmoqda.
