«Муҳташам юз йил» сериали томошабинларни шунчалар қизиқтириб қўйдики, улар нафақат экрандаги образлар, балки уларни қойилмақом тарзда ижро этган актёрларнинг шахсий ҳаёти ҳақида ҳам билишни истайди. Марҳамат, сериал юлдузлари бўш вақтини қандай ўтказиши ва хоббилари ҳақида қизиқарли маълумотлар билан танишинг.
Халит Эргенч
Сериалнинг Султон Сулаймони ҳаётини оиласи ва ижодига бағишлаган актёрлардан. Унинг хоббиси – қўшиқ куйлаш.
Шунингдек, Халит ёшлигида рақсга тушиш ва вокал билан шуғулланган. Бундан ташқари, консерваторияда опера бўлимида таҳсил олган. Унинг мусиқага муҳаббати бежизга эмас, сабаби отаси таниқли шоир ва бастакор бўлган. Эргенчнинг қулоғи мусиқа оҳангини жуда яхши таҳлил этади ва ўзи ҳам ёқимли овоз тембрга эга. Актёрнинг концерт дастурлари ва мусиқа фестивалларидаги иштирокини ҳам кўриш мумкин. У гарчи куйлашни фильмларда суратга тушишдек кўп такрорламаса ҳам, хоббисидан катта завқ олади.
Селма Эргеч
Сериалнинг яна бир гўзал қаҳрамони Хадича Султон – бўш вақтларида жанг санъати, кикбоксинг ва корейс жанг санъати – таэквондо билан шуғулланишни ёқтиради. Албатта, бундай нозик аёлга қараб унинг севимли машғулотини тасаввур қилиш қийин. Селманинг хоббиси, ҳаттоки унинг оиласи ва дўстларига ҳам ажойиб сюрприз бўлган.
Пелин Карахан
Сериалда Хуррам ва Сулаймон Султоннинг қизи ролида гавдаланган актриса ширинлик пиширишни яхши кўради. Ёшлигида новвой бўлиб ишлаган актрисага бу касб жуда ёқади. Караханнинг оила аъзолари у пиширган ширинлик ва нонларни севиб истеъмол қилади. Актриса, табиийки, бундан фахрланади. Шунингдек, унинг орзуси − ўзининг шинамгина қандолатхонасини очиш ва харидорларни мазали егулик ҳамда ширинликлар билан сийлашдир.
Бурак Ўзчивит
Бурак ретро машиналарга қизиқади. Унинг ҳаттоки катта бўлмаган коллекцияси ҳам мавжуд. Агар автомобиллар бузилиб қолса, актёр уни ўзи таъмирлайди.
Селим Байрактер
Актёр машҳурликка эришишидан аввал цирк масхарабози сифатида фаолият юритган. Эҳтимол, унинг сериалдаги қаҳрамони – Сумбул оға жуда ғалати кўринган бўлиши мумкин. Аммо Селим ажойиб жонглёр.
Филиз Аҳмет
Сериалнинг яна бир қаҳрамони Филиз саёҳат қилишни хуш кўради. Аммо бу унинг севимли машғулоти эмас. Актриса полиглот – 6 та тилда сўзлаша олади. Ҳозирда булар сафига болгар тили ҳам қўшилмоқда.
Нур Феттаҳўғли
Нур болалигида моделер бўлишни орзу қилган. У чиндан ҳам либослар устида ишлашни ёқтиради. Аммо актриса иш фаолиятини бошловчиликдан бошлади, кейин эса актриса сифатида ижод қилишга ўтди. Нур агар кинодаги фаолиятини тугатса, қўлига яна игна-ип олишини таъкидлаган.
Изоҳ (0)