PR uchun ismidan foydalanilgan Neslihan, Nurgul Yeshilchayning yangi obrazi. Turk kinosi yangiliklari

Muxlislar qalbidan joy olgan turk kinosanoati vakillari hayoti va ijodi bilan bog‘liq ma’lumotlarni berib borishda davom etamiz.

Turk matbuotida Neslihan Atagulni Neslijan Tay hayotiga bag‘ishlangan filmda suratga tushishi haqida xabar tarqalgandi. Ammo aktrisaning turmush o‘rtog‘i Kadir Dog‘ulu ushbu loyihada ishtirok etishiga rozilik bermagani, ammo prodyuser rafiqasining nomidan piar uchun foydalanganini ma’lum qilgan.

“Yangidan sevgi” filmida birga suratga tushgan O‘zge Ozpirinji va Burga Gulsay Etiler tumanidagi sport markazidan chiqishda jurnalistlar savoliga javob bergan. Burga “Uyg‘onish: Buyuk Saljuqiy” serialida tarixiy qahramon obrazini gavdalantirish uning uchun yangilik ekanini ta’kidlagan.

Aktyor mazkur serialda rol ijro qilish uchun sochini o‘stirishiga to‘g‘ri kelgan. O‘zge esa imijini o‘zgartirgan va sochini kaltalatgan.

Nurgul Yeshilchay Balenciaga brendining yangi kolleksiyasini kiyib, Instagram’ga joylagan surati mingdan ortiq like’larga sababchi bo‘lgan.

“Eshigimni qoq” serialida birgalikda suratga tushayotgan Xande Erchel va Kerem Bursinning ishqiy munosabatda ekani haqidagi mish-mishlar ularning birgalikda tushgan suratlari joylanganidan keyin tobora ortib bormoqda. Kerem va Xandening birga tushgan suratiga bosilgan like’lar soni (3 milliondan ko‘p) Burak O‘zchivit va Fahriye Evjenning to‘y suratidan ham ortib bormoqda.

Ibrahim Chelikkolning o‘g‘li Ali bilan birga tushgan surati ham Instagram’da 255 mingdan ortiq like’ga sababchi bo‘lgan.

Demet O‘zdemir ishtirokidagi “Tug‘ilgan uying” serialidan yangi suratlar e’lon qilindi.

“Kimsasizlar” serialining birinchi qismi taqdim qilinmaganiga qaramay, fuqarolar shikoyati sabab RTUK loyiha bilan bog‘liq tekshirish ishlarini boshlab yubordi.

“Eshigimni qoq” serialini tark etganiga ko‘p bo‘lmagan Ismail Ege Shashmaz sevgilisining qo‘lini so‘radi.

“Eshigimni qoq” serialiga Pamir Pekin kelib qo‘shildi.

Akin Akinozu 22-sentabrda 30 yoshni qarshiladi. Shu munosabat bilan aktyor unga sovg‘a qilishni istagan yaqinlari va muxlislaridan “Saratonsiz hayot” assotsiatsiyasiga xayriya qilishlarini so‘radi.

“Yoshligim, ey voh!” seriali muxlislari uchun yomon xabar — 5-oktabrda efirga uzatilishi kutilayotgan 17- qism serialning finali bo‘ladi. Loyiha to‘xtatilishiga serialning past reyting qayd etgani sabab bo‘lgan.

Bosh rollarda Jansu Dere va Janer Jindoruk ijrosidagi “Sadoqatsiz” filmining premyerasi 7-oktabrda o‘tkazilishi rejalashtirilgan.