O‘zbekiston OAVlar haqiqiy mustaqilligini yaratish bo‘yicha murakkab yo‘lni endigina boshlaganini anglab turibdi. Bu haqda Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva 28-sentabr kuni bo‘lib o‘tgan Axborotdan erkin umumfoydalanishga bag‘ishlangan Xalqaro onlayn-konferensiyadagi nutqida gapirdi.
“O‘tgan to‘rt yil davomida ko‘p ishlar amalga oshirilgan bo‘lsa-da, hali amalga oshirilishi kerak bo‘lganlari talaygina. Ammo, mamlakatimiz ochiqlik, so‘z va axborot erkinligini ta’minlash, shuningdek, ommaviy axborot vositalarini haqiqiy ‘to‘rtinchi hokimiyat’ga aylantirishni ko‘zlovchi, ortga qaytmas yo‘lni tanlanganini yana bir bor ta’kidlab o‘tishni istardim”, — degan u.
Saida Mirziyoyevaning ta’kidlashicha, axborotdan foydalanish imkoniyati undan teng foydalanishni ham nazarda tutadi. U jinsiy kamsitishga qarshi kurashish imkoniyatini oshiradi. Avvalroq Prezident Shavkat Mirziyoyev BMT Bosh assambleyasining 75-sessiyasidagi nutqida gender siyosati mamlakat uchun ustuvor masalaga aylanganini bildirgan.
“Gender tengligi komissiyasining a’zosi sifatida shuni ta’kidlashni istardimki, ushbu mavzuni to‘g‘ri yoritish zo‘ravonlikdan aziyat chekkan ayollarni himoya qilishga yordam beradi. Ayollar o‘z huquqlarining himoya qilinishi, kamsitilishga qarshi kurash usullari to‘g‘risida ma’lumot olishlari mumkin. Barcha uchun teng imkoniyatlar to‘g‘risida jamoatchilik fikrini shakllantirishga aynan OAV javobgardir”, — degan Mirziyoyeva va OAV mustaqilligini ta’minlashga qaratilgan islohotlar davom etishini, boshlangan ochiqlik yo‘li ortga qaytmasligini ta’kidlagan.
Izoh (0)