AQSh kosmik agentligi ekspertlari Hubble teleskopi yordamida Yupiterda qizil, uning ostida esa oq po‘rtanani suraga olishga muvaffaq bo‘ldi. Bu haqda NASA’ning Instagram’dagi sahifasi orqali ma’lum qilindi.
Ma’lum qilinishicha, qizil po‘rtana Yerni yutib yuborishga qodir darajada kuchli hisoblanadi. Shu bilan birga, ikkinchi po‘rtana ham dastlab qizil bo‘lgan, biroq keyinroq oqarib u ham avjiga chiqqan, ammo birinchidan ko‘ra biroz kuchsizroq.
Bundan tashqari, tasvirlarda ulkan sayyoraning tabiiy yo‘ldoshlaridan biri — Yevropani ko‘rish mumkin.
https://www.instagram.com/p/CFPtT_anZep/?utm_source=ig_embed
Hubble’ning rasmiy saytida yozilishicha, surat 25-avgust kuni olingan bo‘lib, o‘sha vaqtda sayyora Yerdan 653 million kilometr uzoqlikda bo‘lgan.
“Hubble’ning noyob va jozibali yangi suratida soatiga 560 kilometr tezlikda harakatlanayotgan yorqin, oq va eniga kattalashib borayotgan po‘rtana tasvirlangan”, — deyiladi xabarda.
Avvalroq Hubble teleskopi “Go‘sht changagi” galaktikasini suratga olishga muvaffaq bo‘lgani to‘g‘risida xabar berilgandi.
Izoh (0)