7-avgust kuni Navoiy viloyati Nurota tumani hududidan o‘tgan avtomobil yo‘lida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda viloyati IIB axborot xizmati xabar berdi.
Ma’lumotlarga ko‘ra, 4R-55 avtomobil yo‘lining 94-kilometrida Damas mashinasini boshqarib kelayotgan 57 yoshli haydovchi uxlab qolishi oqibatida yo‘l chetiga chiqib ketib, avariyaga uchragan.
YTH oqibatida avtomashinada yo‘lovchi sifatida ketayotgan, 1975-yilda Samarqand viloyatida tug‘ilgan yo‘lovchi R.N. og‘ir tan jarohati olib halok bo‘lgan.
Mazkur holat yuzasidan haydovchiga nisbatan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Avvalroq Chiroqchida Nexia va Howo yuk mashinasi ishtirokida sodir bo‘lgan YTH oqibatida 3 kishi halok bo‘lgani, Farg‘onada Damas va Labo to‘qnashuvida esa bir haydovchi vafot etgani, Sirdaryoda “KamAZ” piyodani urib yuborgani to‘g‘risida xabar berilgandi.
Izoh (0)