Surxondaryo viloyatining epidemiologik vaziyat qoniqarli bo‘lgan Bandixon, Boysun, Qiziriq, Oltinsoy, Sariosiyo va Uzun tumanlarida karantin cheklovlari yumshatildi. Bu haqda Surxondaryo viloyati hokimligi ma’lum qildi.
Jumladan, ushbu tumanlarda sanitariya talablariga qat’iy rioya qilgan holda,
- umumiy ovqatlanish shoxobchalari (restoran va kafelarda banketlar hamda boshqa ommaviy tadbirlarni o‘tkazishga yo‘l qo‘yilmaydi);
- buyum va qurilish mollari bozorlari;
- savdo va maishiy xizmat ko‘rsatish nuqtalari faoliyatiga ruxsat berildi.
Maxsus ruxsatnomalar asosida harakatlanadigan avtotransport vositalari hamda Respublika maxsus komissiyasi qarori bilan tasdiqlangan ayrim toifadagi avtotransport vositalari harakatlanishiga maxsus ruxsatnomalar talab etilmaydigan holatlar bundan mustasno.
Viloyatda epidemiologik vaziyatdan kelib chiqqan holda karantin talablari bosqichma-bosqich yumshatilib boriladi.
Avvalroq Andijon, Qashqadaryo, Buxoro, Samarqand, Navoiy, Farg‘ona, Namangan viloyatlari va Qoraqalpog‘istonda karantin choralari yumshatilgani haqida xabar berilgan.
Eslatib o‘tamiz, O‘zbekistonning barcha hududlarida 15-avgustdan avtomobillarning kun davomida harakatlanishiga, 17-avgustdan viloyatlararo qatnashga, 15-avgustdan 30 kishilik to‘ylarni o‘tkazishga ruxsat beriladi, 20-avgustdan buyum bozorlari va savdo majmualari qayta ishga tushadi.
Izoh (0)