Сурхондарё вилоятининг эпидемиологик вазият қониқарли бўлган Бандихон, Бойсун, Қизириқ, Олтинсой, Сариосиё ва Узун туманларида карантин чекловлари юмшатилди. Бу ҳақда Сурхондарё вилояти ҳокимлиги маълум қилди.
Жумладан, ушбу туманларда санитария талабларига қатъий риоя қилган ҳолда,
- умумий овқатланиш шохобчалари (ресторан ва кафеларда банкетлар ҳамда бошқа оммавий тадбирларни ўтказишга йўл қўйилмайди);
- буюм ва қурилиш моллари бозорлари;
- савдо ва маиший хизмат кўрсатиш нуқталари фаолиятига рухсат берилди.
Махсус рухсатномалар асосида ҳаракатланадиган автотранспорт воситалари ҳамда Республика махсус комиссияси қарори билан тасдиқланган айрим тоифадаги автотранспорт воситалари ҳаракатланишига махсус рухсатномалар талаб этилмайдиган ҳолатлар бундан мустасно.
Вилоятда эпидемиологик вазиятдан келиб чиққан ҳолда карантин талаблари босқичма-босқич юмшатилиб борилади.
Аввалроқ Андижон, Қашқадарё, Бухоро, Самарқанд, Навоий, Фарғона, Наманган вилоятлари ва Қорақалпоғистонда карантин чоралари юмшатилгани ҳақида хабар берилган.
Эслатиб ўтамиз, Ўзбекистоннинг барча ҳудудларида 15 августдан автомобилларнинг кун давомида ҳаракатланишига, 17 августдан вилоятлараро қатнашга, 15 августдан 30 кишилик тўйларни ўтказишга рухсат берилади, 20 августдан буюм бозорлари ва савдо мажмуалари қайта ишга тушади.
Изоҳ (0)