Baqlajondan koreyscha “morkovcha” solingan ruletlar retsepti

Oson tayyorlanadigan ishtaha ochuvchi bu yegulik tushlik va kechki taom dasturxonini bezatadi.

Buning uchun bizga kerak bo‘ladi:

• 1 dona baqlajon
• 1-2 osh qoshiq o‘simlik yog‘i
• 1-2 dona sarimsoq piyoz
• 1-2 osh qoshiq mayonez
• 100 gr koreyscha sabzi
• ta’bga ko‘ra tuz

1. Baqlajonni uzunasiga ingichka bo‘laklarga kesib oling. Ozgina tuz sepib, 10-15 daqiqaga qoldiring. Keyin yuvib, quriting.
2. Tovadagi yog‘ni qizdirib, baqlajonlarning har ikki tomonini qizartirib qovuring.
3. Sarimsoq piyozni qirg‘ichdan o‘tkazib, mayonez bilan aralashtiring.
4. Qovurilgan baqlajonning har bo‘lagini yoyib, mayonez surting va ustiga sabzilarni qo‘yib, rulet kabi o‘rang.

Yoqimli ishtaha!