Vena, Avstriya – 2024-yil 25-noyabr: Ipak Yo‘li Banki OPEK Xalqaro taraqqiyot jamg‘armasi bilan 30 million AQSh dollari miqdoridagi kelishuv imzolanganini mamnuniyat bilan e’lon qiladi.
Mazkur mablag‘lar O‘zbekistondagi mikro, kichik va o‘rta biznesni, jumladan, ayollar boshchiligidagi tadbirkorlik subʼyektlarini moliyalashtirish imkoniyatlarini kengaytirishga yo‘naltiriladi. Bu qadam OPEK jamg‘armasining O‘zbekistondagi xususiy bankga ajratgan birinchi to‘g‘ridan-to‘g‘ri kredit liniyasi bo‘lib, bu hamkorlikning ahamiyati va o‘ziga xosligini namoyon etadi.
OPEK jamg‘armasi prezidenti Abdulhamid Alxalifa: “Ipak Yo‘li Banki bilan hamkorligimiz O‘zbekistonda xususiy sektor transformatsiyasini qo‘llab-quvvatlashga qaratilgan strategiyamizni aks ettiradi. Korxonalarga, jumladan, tadbirkor ayollarga moliyaviy imkoniyatlarni taqdim etish orqali biz ularning salohiyatini ochishga yordam beramiz va mamlakatning barqaror iqtisodiy o‘sishiga hissa qo‘shamiz. Bu hamkorlik nafaqat moliyaviy yordam ko‘rsatish, balki iqtisodiy imkoniyatlar yaratadigan va mahalliy hamjamiyatlarning farovonligini oshiradigan yanada faol va inklyuziv xususiy sektorni qo‘llab-quvvatlashga qaratilgan”.
Mazkur moliyalashtirish, Ipak Yo‘li Bankiga O‘zbekiston iqtisodiyotining tayanchi bo‘lgan, mamlakat yalpi ichki mahsulotining 54 foizini tashkil etuvchi va 78 foiz ish o‘rinlari bilan ta’minlovchi mikro, kichik va o‘rta biznesni qo‘llab-quvvatlashni sezilarli darajada kengaytirish imkonini beradi. Ushbu hamkorlik natijasida minglab mikro, kichik va o‘rta korxonalar rivojlanish uchun zarur moliyaviy resurslardan foydalanish imkoniyatiga ega bo‘ladi, bu esa o‘z navbatida innovatsiyalarni rag‘batlantirish, yangi ish o‘rinlari yaratish va barqaror iqtisodiy o‘sishga yordam beradi.
OPEK jamg‘armasi haqida:
OPEK jamg‘armasi global rivojlanish tashkiloti bo‘lib, o‘zining a’zo mamlakatlaridan a’zo bo‘lmagan mamlakatlarga moliyalashtirishni taqdim etadi. 1976-yilda tashkil etilgan bo‘lib, Jamg‘arma past va o‘rta daromadli mamlakatlarda iqtisodiy o‘sishni va ijtimoiy taraqqiyotni rag‘batlantirish uchun hamkorlar bilan ishlaydi.
Bugungi kunga qadar Jamg‘arma butun dunyo bo‘ylab barqaror rivojlanishga erishishga intilayotgan 125 mamlakatdagi loyihalarga 27 milliard AQSh dollaridan ortiq sarmoya kiritgan.
Reklama huquqi asosida.
Izoh (0)