Koronavirus tashqi muhitda har qanday dezinfeksiya vositasi ta’siridan o‘lishi mumkinligi aytildi

Rospotrebnadzor rahbari Anna Popova “Rossiya-1” telekanalining “Vesti” ko‘rsatuvidagi chiqishi vaqtida har qanday dezinfeksiya vositasi koronavirusga kuchli ta’sir ko‘rsatishini ma’lum qildi, deb yozmoqda “TASS”.

“Har qanday konsentratsiyadagi dezinfektant virusni o‘ldirishga qodir. Ya’ni eng muhimi buyum nima bilan artilsa ham unga dezinfektant sepib qo‘yilishi kerak”, – degan Popova.

Shuningdek, Rossiya hukumati vakili buyum ustida koronavirusning 48 soat davomida saqlanishi mumkinligini eslatib o‘tgan.

Butun dunyoda koronavirus pandemiyasi boshlanganidan buyon 17,8 million kishi ushbu infeksiya bilan kasallangan va 685 mingdan ziyod bemor kasallik asoratlari oqibatida vafot etgan.