Qozog‘iston sog‘liqni saqlash vaziri o‘rinbosari Oljas Abishev hibsga olindi, deb xabar beradi Tengrinews.
“Qozog‘iston Moliyaviy monitoring qo‘mitasi Iqtisodiy jinoyatlar xizmati xodimlari tomonidan sog‘liqni saqlash vaziri o‘rinbosari Oljas Abishev budjet mablag‘larini talon-taroj qilganlikda gumonlanib qo‘lga olinganini tasdiqlaydi”, — deyiladi xabarda.
Hozirda holat yuzasidan tergov harakatlari olib borilmoqda.
Oljas Abishev 2018-yilda Qozog‘iston sog‘liqni saqlash vaziri o‘rinbosari etib tayinlangan. U raqamlashtirish va axborot xavfsizligi masalalariga mas’ul bo‘lgan.
Eslatib o‘tamiz, iyun oxirlarida Qozog‘iston sog‘liqni saqlash vaziri Yeljan Birtanov egallab turgan lavozimidan ozod qilinib, uning o‘rniga vazirning birinchi o‘rinbosari sifatida ishlab kelgan Aleksey Soy tayinlangan edi.
Izoh (0)