Роспотребнадзор раҳбари Анна Попова «Россия-1» телеканалининг «Вести» кўрсатувидаги чиқиши вақтида ҳар қандай дезинфекция воситаси коронавирусга кучли таъсир кўрсатишини маълум қилди, деб ёзмоқда «ТАСС».
«Ҳар қандай концентрациядаги дезинфектант вирусни ўлдиришга қодир. Яъни энг муҳими буюм нима билан артилса ҳам унга дезинфектант сепиб қўйилиши керак», – деган Попова.
Шунингдек, Россия ҳукумати вакили буюм устида коронавируснинг 48 соат давомида сақланиши мумкинлигини эслатиб ўтган.
Бутун дунёда коронавирус пандемияси бошланганидан буён 17,8 миллион киши ушбу инфекция билан касалланган ва 685 мингдан зиёд бемор касаллик асоратлари оқибатида вафот этган.
Россияда коронавирусга қарши федерал тезкор штаб маълумотлари бўйича 2020 йил 2 август ҳолатига кўра, 850 870 киши COVID-19’га чалинган, 650 173 киши касалликдан тузалган, 14 128 киши инфекция асоратлари оқибатида вафот этган.
Изоҳ (0)