Xorazm viloyati hokimi Farhod Ermanovning koronavirusga qarshi kurashish bo‘yicha viloyatdagi vaziyat yuzasidan aholiga qilgan murojaatidan so‘ng hududdagi mavjud 145 ta tez tibbiy yordam mashinasiga qo‘shimcha yana 20 ta mashina olib kelindi. Bu haqda “Daryo”ga viloyat hokimligi xabar berdi.
Ta’kidlanishicha, 2020-yil 20-iyul kuni viloyat budjetining qo‘shimcha manbalari hisobidan zarur vositalar bilan jihozlangan 20 ta Damas sotib olinib, muassasalarga berildi. Natijada 110 nafar shifokor, 110 nafar hamshira va 90 nafar haydovchi uchun yangi ish o‘rni yaratildi.
Qo‘shimcha qilinishicha, Xorazm viloyatida 1180 nafar bemor uchun joy hozirlanishi belgilangan bo‘lib, 3 mingta o‘rin yaratish choralari ko‘rilmoqda. Mazkur o‘ringa joylashtiriladigan bemorlar uchun 4500 dan ortiq shifokorga ehtiyoj sezilishi hisobga olinib, nafaqadagi 800 nafar shifokor, 20 ming nafar hamshira ishga jalb qilindi.
Eslatib o‘tamiz, Farhod Ermanovning viloyat ahliga qilgan murojaatida Urganch davlat universiteti binosida 22 ta tashkilot xodimlaridan iborat Call-markaz tashkil etilgani, qo‘shimcha mashinalar berilishi aytib o‘tilgandi.
Mavzuga doir:
- Samarqand viloyati hokimi hududdagi tashkilot mas’ullarining davlat tashkilotida bepul test topshirishga urinishini qoraladi
- Erkinjon Turdimov: Bugungi kunda COVID-19 kasalligiga qarshi urush qilyapmiz. Bu jangning oldida tibbiyot xodimlari turibdi
- Shuhrat Abdurahmonov Andijonda koronavirus qayd etilgan fuqarolarning yarmi Qirg‘izistondan qaytgan o‘zbekistonliklar ekanligini ma’lum qildi
Izoh (0)