Vyetnamlik blogerlar karton qog‘ozdan yasalgan Lamborghini Aventador SVJ nusxasini namoyish etdi. Bu kabi noodatiy mashinani yaratish uchun besh oy va 500 dollarga yaqin mablag‘ sarflangan, deb xabar beradi Motor.
Superkar bazasi sifatida o‘zaro payvandlangan po‘lat bruslardan foydalanilgan. Blogerlar mashina shassisini eng arzon detallar va metallomdan yasagan.
Keyingi bosqichda esa karton qog‘ozlaridan kuzov yaratilgan. Blogerlar ushbu masalaga jiddiy yondashgan: kartondan optikaga xos teshiklar, ko‘plab havo haydovchi tirqishlar va bug‘lanuvchi splitter qirqilgan. Shuningdek, vyetnamliklar kapotning shaklini takrorlashga harakat qilgan, modelga “chayka qanotlari” nomli ko‘tarma eshiklar o‘rnatgan.
Mazkur nusxani mototsiklning 150 kubli motori harakatga keltiradi.
Original Lamborghini Aventador SVJ’ga 770 ot kuchi va 720 Nm aylanuvchi momentga ega 6,5 litrli atmosfera V12 o‘rnatilgan. Model soatiga 100 kilometr tezlikka 2,8 soniyada erishadi, maksimal tezligi esa 350 km/soatga teng.
Avvalroq vyetnamlik ushbu blogerlar karton qog‘ozidan Bugatti Chiron modelini yasagani to‘g‘risida xabar berilgandi.
Izoh (0)