Xitoyda so‘nggi sutkada koronavirus bilan kasallanish bo‘yicha 11 ta va kasallik belgisiz o‘tayotgan 6 ta holat aniqlandi, bemorlarning 24 nafari sog‘aydi, deb xabar bermoqda “Interfaks” Xitoy Sog‘liqni saqlash milliy komissiyasiga tayanib.
Yangi kasallanish holatlarining 8 tasi mamlakatning o‘zida, qolgan 5 tasi chetdan yuqtirilgan. Bir kun avval 22 ta va belgili va 13 ta belgisiz o‘tayotgan kasallanish holati aniqlangandi.
Mamlakatda umumiy hisobda 83 682 kishi koronavirusga chalingan, ularning 4634 nafari COVID-19 qurboniga aylangan.
Janubiy Koreyada esa sutka davomida 45 kishi koronavirusga chalingani qayd etilib, kasallanganlarning umumiy soni 13 816 nafarga yetdi. Bir kun avval 26 kishi koronavirusga chalingani qayd etilgandi.
Aniqlangan yangi kasallanish holatlarining 20 tasida virus mamlakatning o‘zida, qolgan 25 ta holatda chetdan yuqtirilgan. Mamlakat hukumati kunlik kasallanishlar orasida chetdan yuqtirish holatlari oshayotganidan xavotirda.
“So‘nggi 10 kunda virusni chetdan yuqtirish holatlari ulushi mamlakatning o‘zida yuqtirish holatiga qaraganda ko‘p bo‘ldi, bu esa kasallikning chetdan kirib kelishi holatlarining oldini olishga e’tiborni kuchaytirishni taqozo etmoqda”, — degan edi Janubiy Koreya bosh vaziri Chon Se Gyun hukumatning koronavirus bo‘yicha o‘tkazilgan 15-iyul kungi yig‘ilishida.
Jons Hopkins ma’lumotlariga ko‘ra, sutka davomida 71 kishi sog‘ayib, tuzalganlarning umumiy soni 12 572 nafarga yetdi, virus qurbonlari soni 296 nafarni tashkil qilmoqda.
Izoh (0)