Хитойда сўнгги суткада коронавирус билан касалланиш бўйича 11 та ва касаллик белгисиз ўтаётган 6 та ҳолат аниқланди, беморларнинг 24 нафари соғайди, деб хабар бермоқда «Интерфакс» Хитой Соғлиқни сақлаш миллий комиссиясига таяниб.
Янги касалланиш ҳолатларининг 8 таси мамлакатнинг ўзида, қолган 5 таси четдан юқтирилган. Бир кун аввал 22 та ва белгили ва 13 та белгисиз ўтаётган касалланиш ҳолати аниқланганди.
Мамлакатда умумий ҳисобда 83 682 киши коронавирусга чалинган, уларнинг 4634 нафари COVID-19 қурбонига айланган.
Жанубий Кореяда эса сутка давомида 45 киши коронавирусга чалингани қайд этилиб, касалланганларнинг умумий сони 13 816 нафарга етди. Бир кун аввал 26 киши коронавирусга чалингани қайд этилганди.
Аниқланган янги касалланиш ҳолатларининг 20 тасида вирус мамлакатнинг ўзида, қолган 25 та ҳолатда четдан юқтирилган. Мамлакат ҳукумати кунлик касалланишлар орасида четдан юқтириш ҳолатлари ошаётганидан хавотирда.
«Сўнгги 10 кунда вирусни четдан юқтириш ҳолатлари улуши мамлакатнинг ўзида юқтириш ҳолатига қараганда кўп бўлди, бу эса касалликнинг четдан кириб келиши ҳолатларининг олдини олишга эътиборни кучайтиришни тақозо этмоқда», — деган эди Жанубий Корея бош вазири Чон Се Гюн ҳукуматнинг коронавирус бўйича ўтказилган 15 июль кунги йиғилишида.
Жонс Ҳопкинс маълумотларига кўра, сутка давомида 71 киши соғайиб, тузалганларнинг умумий сони 12 572 нафарга етди, вирус қурбонлари сони 296 нафарни ташкил қилмоқда.
Изоҳ (0)