Bugun,

  • USD 11095.31
  • RUB 173.84
  • EUR 10772.44

Xitoyda so‘nggi sutkada koronavirus bilan kasallanish bo‘yicha 22 ta va kasallik belgisiz o‘tayotgan 13 ta holat aniqlandi, bemorlarning 24 nafari sog‘aydi, deb xabar bermoqda “RIA Novosti” Xitoy Sog‘liqni saqlash milliy komissiyasiga tayanib.

Foto: Reuters

Foto: Reuters

Aniqlangan yangi kasallanish holatining 17 tasi mamlakatning o‘zida, qolgan 5 tasi chetdan yuqtirilgan. Xitoyda kasallanish holati yana ortmoqda. 19-iyulda 16 kishida, 18-iyulda 22 kishida, 17-iyulda 10 kishida, 16-iyulda esa 1 kishida koronavirus qayd etilgandi.

Mamlakatda umumiy hisobda 83 682 kishi koronavirusga chalingan, ularning 78 799 nafari sog‘aygan, 4634 nafar bemor COVID-19 qurboniga aylangan. Kasalxonada 249 kishi davolanishda qolmoqda.

Shuningdek, Xitoyda kasallik belgisiz o‘tayotgan 13 ta holat aniqlangan. Shunday kishilarning yana 154 nafari kuzatuvda bo‘lib turibdi.

Janubiy Koreyada esa sutka davomida 26 kishi koronavirusga chalingani qayd etilib, kasallanganlarning umumiy soni 13 771 nafarga yetdi.

Aniqlangan yangi kasallanish holatlarining 4 tasida virus mamlakatning o‘zida, qolgan 22 ta holatda chetdan yuqtirilgan. Mamlakat hukumati kunlik kasallanishlar orasida chetdan yuqtirish holatlari oshayotganidan xavotirda.

“So‘nggi 10 kunda virusni chetdan yuqtirish holatlari ulushi mamlakatning o‘zida yuqtirish holatiga qaraganda ko‘p bo‘ldi, bu esa kasallikning chetdan kirib kelishi holatlarining oldini olishga e’tiborni kuchaytirishni taqozo etmoqda”, — degan edi Janubiy Koreya bosh vaziri Chon Se Gyun hukumatning koronavirus bo‘yicha o‘tkazilgan 15-iyul kungi yig‘ilishida.

Sutka davomida bir kishi vafot etib, virus qurbonlari soni 296 nafarga yetdi. Jons Hopkins ma’lumotlariga ko‘ra, mamlakatda tuzalganlarning umumiy soni 12 572 nafarni tashkil qilmoqda.

Izoh
Asosiy yangiliklar
Mahalliy
Tan olingan kambagʻallik. Hukumat muammoni qanday hal etmoqchi?
Dunyo
Rossiyada urushga borishdan bosh tortgan mahbuslarga qo‘shimcha jazo muddati bilan tahdid qilinmoqda — OAV
Salomatlik
Buyrakda toshlar, gipertoniya: rivojlanishiga birgina tuz sabab boʻladigan 4 ta xavfli kasallik