Sirdaryo havzasiga bog‘langan, xususan, Jizzax, Sirdaryo va Toshkent viloyatlaridagi maydonlarni sug‘orish uchun Tojikiston suv omboridan suv olinadi, deb xabar bermoqda O‘zA.
Qayd etilishicha, 2020-yilda kuzatilayotgan suv tanqisligi sharoitida Jizzax, Sirdaryo va Toshkent viloyatlarining maydonlaridagi qishloq xo‘jaligi ekinlarini Tojikiston Respublikasining “Bahri Tochik” suv omboridan qo‘shimcha suv chiqarish orqali suv bilan ta’minlash maqsadida Tojikiston tomoniga moddiy-texnik resurslari yetkazib beriladi va irrigatsiya tadbirlari amalga oshiriladi. Bu haqda hukumatning tegishli farmoyishi imzolandi.
Buning uchun Vazirlar Mahkamasining zaxira jamg‘armasidan 1,5 milliard so‘m mablag‘ ajratiladi.
O‘zbekiston Suv xo‘jaligi vazirligi ushbu moddiy-texnik resurslarni Tojikiston Energetika va suv resurslari vazirligining tegishli tashkilotiga qaytarib olmaslik sharti bilan topshirishi ko‘zda tutilgan.
Izoh (0)