Сирдарё ҳавзасига боғланган, хусусан, Жиззах, Сирдарё ва Тошкент вилоятларидаги майдонларни суғориш учун Тожикистон сув омборидан сув олинади, деб хабар бермоқда ЎзА.
Қайд этилишича, 2020 йилда кузатилаётган сув танқислиги шароитида Жиззах, Сирдарё ва Тошкент вилоятларининг майдонларидаги қишлоқ хўжалиги экинларини Тожикистон Республикасининг «Баҳри Точик» сув омборидан қўшимча сув чиқариш орқали сув билан таъминлаш мақсадида Тожикистон томонига моддий-техник ресурслари етказиб берилади ва ирригация тадбирлари амалга оширилади. Бу ҳақда ҳукуматнинг тегишли фармойиши имзоланди.
Бунинг учун Вазирлар Маҳкамасининг захира жамғармасидан 1,5 миллиард сўм маблағ ажратилади.
Ўзбекистон Сув хўжалиги вазирлиги ушбу моддий-техник ресурсларни Тожикистон Энергетика ва сув ресурслари вазирлигининг тегишли ташкилотига қайтариб олмаслик шарти билан топшириши кўзда тутилган.
Изоҳ (0)