Madridning “Real” klubi o‘z muxlislaridan Ispaniya chempionatidagi ehtimoliy g‘alabadan keyin chempionlikni nishonlash uchun Sibeles favvorasi atrofiga to‘planmaslikni so‘radi.
Madrid shahri meri Xose Luis Martines Almeyda va Ispaniya Sog‘liqni saqlash vaziri Salvador Illa muxlislarga klub bayroqlari bilan o‘z uylari balkonlariga chiqishni maslahat bergan.
Odatda “Real” qaysidir musobaqada g‘olib chiqsa, muxlislar Madriddagi Sibeles favvorasiga kelib, buni shu yerda nishonlaydi.
“Real” 36-turdan keyin musobaqa jadvalida 83 ochko bilan peshqadamlik qilmoqda. Jamoa chempionlikni qo‘lga kiritish uchun qolgan 2 turda 2 ochko to‘plashi kerak. Ikkinchi o‘rindagi “Barselona” hisobida esa 79 ochko mavjud.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)