Мадриднинг «Реал» клуби ўз мухлисларидан Испания чемпионатидаги эҳтимолий ғалабадан кейин чемпионликни нишонлаш учун Сибелес фаввораси атрофига тўпланмасликни сўради.
Мадрид шаҳри мэри Хосе Луис Мартинес Алмейда ва Испания Соғлиқни сақлаш вазири Сальвадор Илла мухлисларга клуб байроқлари билан ўз уйлари балконларига чиқишни маслаҳат берган.
Одатда «Реал» қайсидир мусобақада ғолиб чиқса, мухлислар Мадриддаги Сибелес фавворасига келиб, буни шу ерда нишонлайди.
«Реал» 36-турдан кейин мусобақа жадвалида 83 очко билан пешқадамлик қилмоқда. Жамоа чемпионликни қўлга киритиш учун қолган 2 турда 2 очко тўплаши керак. Иккинчи ўриндаги «Барселона» ҳисобида эса 79 очко мавжуд.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)