Tovuq va grechkali yengil hazm bo‘ladigan taom retsepti

Yozning jazirama kunlari uchun yog‘siz va tez hazm bo‘ladigan mazkur taom ayni muddao.

Kerakli mahsulotlar:

• tovuq filesi — 500 gr;
• piyoz — 2 dona;
• sarimsoq piyoz — 2 dona;
• sabzi — 2 dona;
• suv — 500 ml;
• tomat pastasi — 2 osh qoshiq;
• o‘simlik yog‘i — 2-3 qoshiq;
• ta’bga ko‘ra tuz, murch;
• grechka — 250 gr.

• O‘simlik yog‘i solingan tovaga to‘g‘ralgan tovuqni solib qovuring.
• 3-5 daqiqadan keyin yarim dumaloq shaklda to‘g‘ralgan piyoz va qirg‘ichdan chiqarilgan sabzini soling va yana 5 daqiqa davomida qovuring.
• Tuz, ziravor va maydalangan sarimsoqni qo‘shing.
• Grechka qo‘shing va ustidan suv, tomat pastasini soling.
• Tovuq va grechka yumshamagunicha qopqoqni yopib dimlab pishiring.
• Tayyor taomni smetana qo‘shib dasturxonga torting.