Baqlajon va qiymadan tayyorlanadigan pishloq qaylali lazanya retsepti

Mazkur taom mazali va tez hazm bo‘lishi bilan taomnomangizdan joy olishiga shubha yo‘q.

Quyidagi mahsulotlar kerak bo‘ladi:

• baqlajon — 2 dona;
• ta’bga ko‘ra tuz;
• mol go‘sht qiymasi — 900 gr;
• o‘simlik yog‘i — 2-3 osh qoshiq;
• pomidordan ezib tayyorlangan tomat — 800 gr;
• suv — 120 ml;
• ta’bga ko‘ra quritilgan sarimsoqpiyoz;
• tuxum — 2 dona;
• pishloq (motsarella) — 200 gr.

• Baqlajonlarni 6 sm qalinlikda dumaloq shaklda kesib oling, tuzlang.
• O‘simlik yog‘i solingan tovada qiymani tillarang tusga kirgunicha qovurib oling.
• Pomidor tomati, sarimsoq, tuz, suv qo‘shing, 8-10 daqiqa davomida pishiring.
• 200 daraja qizigan pechda baqlajonlarni 20 daqiqaga qo‘ying.
• Pechga qo‘yib pishirishga mo‘ljallangan chuqurroq idishga baqlajonlarni tering, ustidan tuxum chaqing.
• Qiymali aralashmani soling va ustidan qirg‘ichdan chiqarilgan pishloq seping.
• Idish ustini zarli qandolat qog‘oziga o‘rang va 180 daraja qizigan pechga 30 daqiqaga qo‘ying.
• 15 daqiqadan keyin zarli qog‘ozni olib tashlang.
• Taomni ko‘katlar bilan bezab, dasturxonga torting.