Abu-Dabida o‘tkazilgan UFC 251 musobaqasida Kamaru Usmonga mag‘lub bo‘lgan Xorxe Masvidal revansh jangini o‘tkazmoqchiligi haqida gapirdi.
“Muvaffaqiyatsizlikka uchrashni yomon ko‘raman. O‘zimni oqlamoqchi emasman. U mendan yaxshiroq jang qildi. Agar ba’zi jihatlar bo‘yicha to‘laqonli mashg‘ulot o‘tkazganimda uni mag‘lub etishim mumkin edi, lekin hatto olti kun tayyorlangan bo‘lsam ham, meni mag‘lub etish oson emasligini ko‘rsatdim.
Juda ko‘p xatolarga yo‘l qo‘ydim, kuchimni butun jangga to‘g‘ri taqsimlay olmadim. U meni halol va adolatli tarzda mag‘lub etdi, lekin men u bilan yana oktagonga chiqish uchun qo‘limdan kelganini qilaman. O‘shanda mening qo‘lim baland ko‘tariladi. Menda uni keyingi safar qanday urish haqida formula bor. Buning uchun men ko‘proq mashg‘ulot o‘tkazishim va yuqori darajadagi jangchilar bilan sparring o‘tkazishim kerak.
Biz buni yana qilamiz. Uzoq kutishni xohlamayman. Men jangni qabul qilaman va har qachongidan ham yaxshiroq bo‘lib qaytaman. Kamar belimda bo‘lmas ekan, bu yerdan (UFC’dan) ketmayman”, — deydi Masvidal.
Eslatib o‘tamiz, Masvidal UFC 251 musobaqasida Kamaru Usmonga imkoniyatni boy berib qo‘ydi.
Izoh (0)