Yarim o‘rta vazn toifasida UFC chempioni Kamaru Usmon UFC 251 musobaqasida Xorxe Masvidalni mag‘lubiyatga uchratganidan so‘ng o‘z fikrlari bilan o‘rtoqlashdi.
Jang juda zerikarli o‘tdi deganlarga esa Usmon o‘zi kabi 25 daqiqa Masvidal bilan jang qilishni maslahat berdi.
“Balki, ular nimadir deyishdan avval 25 daqiqa Xorxe Masvidal bilan jang qilib ko‘rar. Bir vaqtlar odamlar Floyd Meyvezerni yomon ko‘rardi. Floyd himoyada har doim ham yuqori darajada harakat qilgan va o‘z ishining ustasi bo‘lgan. Biroq ko‘pchilik u haqida shunday derdi: ‘U zerikarli jang o‘tkazadi. U jang qilmayapti’.
Biz bu yerda o‘z hayotimizni xavf ostiga qo‘yamiz. Biz mashg‘ulotlar o‘tkazamiz. Har kuni mashq qilish va jangga chiqib, shunchaki kaltak yeyishdan nima ma’no?”, — deydi Usmon.
Eslatib o‘tamiz, Abu-Dabidagi “Jangchilar oroli”da o‘tkazilgan UFC 251 musobaqasining asosiy jangida hakamlar Kamaru Usmonning 50-45 50-45, 49-46 hisobidagi g‘alabasini qayd etdi.
Kamaru Usmon ijrosidagi eng sara janglarni tomosha qiling!
Izoh (0)