Масвидал Усмонга мағлуб бўлгани ҳақида: «Жуда кўп хатоларга йўл қўйдим»

Абу-Дабида ўтказилган UFC 251 мусобақасида Камару Усмонга мағлуб бўлган Хорхе Масвидал реванш жангини ўтказмоқчилиги ҳақида гапирди.

«Муваффақиятсизликка учрашни ёмон кўраман. Ўзимни оқламоқчи эмасман. У мендан яхшироқ жанг қилди. Агар баъзи жиҳатлар бўйича тўлақонли машғулот ўтказганимда уни мағлуб этишим мумкин эди, лекин ҳатто олти кун тайёрланган бўлсам ҳам, мени мағлуб этиш осон эмаслигини кўрсатдим.

Жуда кўп хатоларга йўл қўйдим, кучимни бутун жангга тўғри тақсимлай олмадим. У мени ҳалол ва адолатли тарзда мағлуб этди, лекин мен у билан яна октагонга чиқиш учун қўлимдан келганини қиламан. Ўшанда менинг қўлим баланд кўтарилади. Менда уни кейинги сафар қандай уриш ҳақида формула бор. Бунинг учун мен кўпроқ машғулот ўтказишим ва юқори даражадаги жангчилар билан спарринг ўтказишим керак.

Биз буни яна қиламиз. Узоқ кутишни хоҳламайман. Мен жангни қабул қиламан ва ҳар қачонгидан ҳам яхшироқ бўлиб қайтаман. Камар белимда бўлмас экан, бу ердан (UFC’дан) кетмайман», — дейди Масвидал.

Эслатиб ўтамиз, Масвидал UFC 251 мусобақасида Камару Усмонга имкониятни бой бериб қўйди.

Хорхе Масвидал UFC тарихидаги энг тезкор нокаутни қайд этган. У Бен Аскренни 5 сонияда нокаутга учратган (видео)