Efiopiyada o‘tgan hafta taniqli musiqachi va siyosiy faol Haakaaluu Xundessaaning o‘ldirilishi oqibatida mamlakatning ko‘plab shaharlarida yuz bergan to‘qnashuvlar paytida kamida 239 kishi halok bo‘ldi. Bu haqda France-Presse xabar qildi.
Qayd etilishicha, tartibsizliklar natijasida to‘qqiz nafar politsiyachi, besh nafar militsiya xodimi va 215 nafar tinch fuqaro halok bo‘lgan. Mamlakat poytaxti Addis-Abebada yana o‘n kishi, shu jumladan, ikki politsiya xodimi vafot etdi.
30-iyun kuni Haakaaluu Xundessaa o‘limi haqida xabar paydo bo‘lganidan keyin bir guruh yoshlar Oromiya va Addis-Abebada yig‘ila boshladi. 2-iyul kuni bir qator joylarda oqshomgacha davom etgan tartibsizliklar va to‘qnashuvlar sodir bo‘ldi.
Efiopiya bosh vaziri Abiy Ahmad 3-iyul kuni uch kundan beri davom etayotgan zo‘ravonliklar mamlakatda fuqarolar urushini qo‘zg‘ashga urinish ekanligini aytdi.
Izoh (0)