7-iyul kuni Serbiya prezidenti Aleksandr Vuchich koronavirus tarqalishining oldini olish maqsadida mamlakatda komendantlik soati joriy etilishini e’lon qilgach, Belgradning minglab aholisi norozilik namoyishini uyushtirdi, deb xabar beradi Reuters.
Ma’lumotlarga ko‘ra, soat 22:00 larda norozilik namoyishi ishtirokchilarining bir guruhi Serbiya parlamenti binosiga kirishga muvaffaq bo‘lgan, biroq ko‘p o‘tmay ular politsiyachilar tomonidan haydab chiqarilgan. Parlament qarshisidagi namoyishchilar Vuchichning iste’fosini talab qilgan. Politsiya yig‘ilganlarni tarqatib yuborish uchun ko‘zni yoshlantiruvchi gazdan foydalangan.
More than thousand people gathered in central Belgrade, blocking the streets, after Serbian president Vucic announced lock-down for the upcoming weekend due to the increased number of #COVID19 cases.
— Balkan Insight (@BalkanInsight) July 7, 2020
Background: https://t.co/u8Zh3SrDPJ pic.twitter.com/r2V6wizClW
Belgrad politsiyasi direktori Vladimir Rebichning so‘zlariga ko‘ra, norozilik namoyishlari oqibatida 43 nafar politsiyachi va 17 nafar namoyish ishtirokchisi jarohatlangan. 23 kishi qo‘lga olingan, xususan, parlamentga uyushtirilgan hujum tashkilotchilari ham.
Aholisi yetti milliondan oshiqroq bo‘lgan Serbiyada koronavirus bilan kasallanganlar soni 16 168 kishiga yetgan, hozirga qadar 330 kishi COVID-19 oqibatida vafot etgan.
Eslatib o‘tamiz, aprel oyida Serbiya prezidenti Aleksandr Vuchich o‘g‘lining koronavirusga chalinganini ma’lum qilgan edi.
Izoh (0)