O‘zbekistondagi tuman va shaharlarning 26-iyun holatiga ko‘ra epidemiologik toifalari ro‘yxati yangilangani haqida avvalroq xabar berilgandi. Yangi ro‘yxatga asosan “yashil” toifaga o‘tgan oltita tumanda masjidlar o‘z faoliyatini tikladi. Bu haqda Din ishlari bo‘yicha qo‘mita xabar berdi.
Ro‘yxatga ko‘ra, Qoraqalpog‘iston Respublikasi Xo‘jayli tumani, Namangan viloyati Kosonsoy tumani, Surxondaryo viloyati Sariosiyo, Termiz, Angor va Uzun tumanlariga “yashil” hudud toifasi berildi.
O‘zbekiston musulmonlari idorasining karantin davrida masjidlar faoliyatini tashkil etish yuzasidan bayonotiga muvofiq, shu yil 29-iyundan boshlab ushbu hududlarda joylashgan masjidlar namozxonlar uchun ochildi.
Eslatib o‘tamiz, Respublika maxsus komissiyasining qaroriga muvofiq O‘zbekistondagi “yashil” hududlarda 8-iyundan boshlab masjidlar o‘z faolyatini qayta boshlagan.
Avvalroq O‘zbekistonda 13-iyun holatiga ko‘ra “yashil” toifaga o‘tgan 10 ta hududda masjidlar ochilgani haqida xabar berilgandi.
Izoh (0)