Buyuk Britaniyaning Glazgo shahri markazida yuz bergan hodisa oqibatida uch kishi vafot etdi va yana to‘rt kishi jarohat oldi. Bu haqda BBC News xabar berdi.
Dastlabki ma’lumotlarga ko‘ra, noma’lum kishi pichoq bilan shaharning Uest Jorj ko‘chasida joylashgan Park Inn mehmonxonasi oldidagi odamlarga hujum qilgan.
Hujum qilgan erkak politsiya tomonidan otib tashlangan. Jarohat olganlar orasida bir nafar politsiyachi ham bor.
Ayni paytda shahar markazi yopilgan. Hodisaning boshqa tafsilotlari hozircha noma’lum.
Eslatib o‘tamiz, Angliya janubi-sharqidagi Reding shahrida 20-iyun kuni kechasi 25 yoshli Livan fuqarosi uch kishini pichoqlab o‘ldirgandi. Politsiya jinoyatchini zudlik bilan qo‘lga olishga muvaffaq bo‘lgan.
Izoh (0)